Yunusobod tumanida davlat tilining qonunchilik hujjatlariga muvofiq rioya qilinishi va to‘g‘ri joriy etilishiga oid o‘rganish ishlari olib borildi. Tuman hokimining maslahatchisi A.Qahharov, Ma’naviyat va ma’rifat markazi tuman bo‘linmasi rahbari K.Miraminova hamda tuman hokimligi mas’ullari tomonidan amalga oshirilgan bu o‘rganishlar davlat tili qonunchiligining tibbiyot muassasalaridagi ijrosi holatini tahlil qilishga qaratilgan.

  O‘rganishlar chog‘ida, Yunusobod tumanidagi Teri-tanosil kasalliklar dispanseri, 12-sonli ko‘p tarmoqli poliklinika, 50 va 55-sonli oilaviy poliklinikalarda bir qator kamchiliklar aniqlandi. Xususan, ayrim rasmiy hujjatlarda davlat tilining imlosiga rioya etilmaganligi, aniqrog‘i, "o‘" va "g‘" harflarining noto‘g‘ri ishlatilganligi ma’lum bo‘ldi. Ular orqali tutuq belgisi (‘) qo‘llanilgani va hujjatlarda kirill alifbosidan foydalanilganida, “h” va “x” undosh harflarining noto‘g‘ri yozilgani kuzatildi.

  Bundan tashqari, tibbiyot muassasalaridagi xona eshiklariga ilingan e’lonlar ham kirill yozuvida rasmiylashtirilgani aniqlandi. Bu e’lonlar davlat tilining qonunga muvofiq rasmiy va to‘g‘ri ishlatilishini ta’minlash uchun o‘zgartiladi. E’lonlarning lotin alifbosida qayta ishlanishi uchun choralar ko‘rildi.
Tekshiruv davomida, sog‘liqni saqlash tashkilotlari xodimlariga davlat tilida hujjat yuritish, yozuv va ishlash tartibi bo‘yicha amaliy tavsiyalar berildi. Davlat tilining qonunchiligini to‘liq va to‘g‘ri joriy etish uchun har bir ishchi-xodimning mas’uliyatini oshirish zarurligi ta’kidlandi. Bu, o‘z navbatida, muassasalarda o‘zgarishlar kiritish va imlo xatolarini bartaraf etishga qaratilgan to‘g‘ri qadamlar bo‘ldi.

 Ko‘rikdan so‘ng, aniqlangan xatolarni to‘g‘rilash ishlari amalga oshirildi. Ba’zi hujjat jildlari va e’lonlar darhol lotin alifbosida qayta rasmiylashtirildi, imloviy xatolar esa belgilangan muddat ichida bartaraf etish uchun mas’ul tashkilot xodimlariga yuklatildi. Bu chora-tadbirlar, o‘z navbatida, davlat tilini sog‘liqni saqlash sohasida to‘liq va to‘g‘ri joriy etilishini ta’minlashga xizmat qiladi.

  Tibbiyot muassasalarida davlat tilini to‘g‘ri ishlatishning muhimligi va uning qonunchiligini tatbiq etish ahamiyati haqida xabardorlikni oshirish maqsadida, muntazam ravishda o‘rganishlar olib borish va amaliy seminarlar tashkil etish kerak. Bu, o‘z navbatida, sog‘liqni saqlash sohasida davlat tilining to‘liq va sifatli qo‘llanilishiga xizmat qiladi.

  Xulosa o‘rnida aytganda Yunusobod tumanida olib borilgan ushbu o‘rganishlar davlat tilining qonunga muvofiq, to‘g‘ri va aniq ishlatilishini ta’minlashga xizmat qiladi. Tashkil etilayotgan chora-tadbirlar davlat tilini sog‘liqni saqlash muassasalarida to‘liq joriy etish va uning rivojlanishida muhim ahamiyatga ega bo‘ladi. Bu kabi ishlarning amalga oshirilishi, davlat tilining maqomini oshirish va uning qonunchilik talablariga to‘liq rioya etilishini ta’minlashga xizmat qiladi.