Hozirda Yunusobod tumani hokimi Boxadir Abduvaliyev rahbarligida Botanika bog‘ida Vazirlar Mahkamasi mas’ul xodimlari bilan hamkorlikda kuz-qish mavsumiga puxta tayyorgarlik ko‘rish masalalariga bag‘ishlangan saf yig‘ilishi o‘tkazilmoqda. Bu tadbir aholi xavfsizligi va kommunal xizmatlar barqarorligini ta’minlash, shuningdek favqulodda holatlarga tayyorgarlikni kuchaytirish maqsadida tashkil etilgan. 
Yig‘ilishda tumanning barcha muhim idoralari va tashkilotlari, shu jumladan, tuman prokuraturasi, tuman ichki ishlar organlari faoliyatini muvofiqlashtirish boshqarmasi, Milliy gvardiya, tuman favqulodda vaziyatlar bo‘limi, mahalla fuqarolar yig‘inlari raislari, shuningdek boshqarma, tashkilot va korxonalar rahbarlari faol ishtirok etmoqda. Ushbu ishtirokchilar turli sohalarda hamohanglikni ta’minlash va hamkorlikda harakat qilish bo‘yicha aniq tavsiyalar oldilar.

Yig‘ilish davomida issiqlik ta’minoti, elektr va suv ta’minoti tizimlarining barqaror ishlashi, aholi xavfsizligini ta’minlash va favqulodda holatlarga tayyorgarlik kabi masalalar atroflicha muhokama qilinmoqda. Mutaxassislar tizimlarning samarali va uzluksiz ishlashini ta’minlash, kutilmagan holatlar uchun favqulodda chora-tadbirlar rejalarini qayta ko‘rib chiqish va tezkor harakat qilish yo‘llarini taqdim etdilar.

Shuningdek, yig‘ilishda mas’ullarga mavjud kamchiliklarni zudlik bilan bartaraf etish, tizimli hamkorlikni kuchaytirish va kuz-qish mavsumida aholini uzluksiz xizmatlar bilan ta’minlash bo‘yicha aniq vazifalar yuklatildi. Boshqaruv va mas’ul idoralardan ushbu chora-tadbirlarning ijrosini muntazam nazorat qilish va yagona muvofiqlashtirilgan tizim orqali amalga oshirish talab qilindi.

Yig‘ilishning asosiy maqsadi — kuz-qish mavsumida aholi uchun xavfsiz, qulay va uzluksiz kommunal xizmatlar hamda favqulodda vaziyatlarga tezkor va samarali reaksiyani ta’minlashdir. Shuningdek, ushbu tadbir shahar infratuzilmasini yanada mustahkamlash, xizmat ko‘rsatish sifatini oshirish va aholi turmush darajasini yuksaltirishga qaratilgan tizimli ishlar doirasida amalga oshirilmoqda.