Bugun Yunusobod tuman hokimligi, tuman Inson ijtimoiy xizmatlar markazi hamda tuman sport maktablari hamkorligida “Besh tashabbus paralimpiadasi” doirasida nogironligi bo‘lgan shaxslar o‘rtasida adaptiv sport musobaqalariga tantanali start berildi.

  Yunusobod tumani 2-son sport maktabida mazkur tadbir yuqori saviyada tashkil qilindi. Tadbirda sportchilar, mahalla faollari, yoshlar va keng jamoatchilik ishtirok etdi. Sport musobaqasiga muhokamalar va muhitning yuqori darajadagi tashkil etilishi ko‘plab ishtirokchilarni o‘ziga jalb etdi. Bu tadbir yoshlar, sportchilar va barcha ishtirokchilarga o‘zlarining imkoniyatlarini namoyon qilish uchun unutilmas imkoniyat taqdim etdi.

  Musobaqada 70 nafarga yaqin nogironligi bor shaxslar ishtirok etib, ular 11 turdagi adaptiv sport yo‘nalishlari — yugurish, stol tennisi, arg‘amchida sakrash, to‘p uloqtirish, shaxmat, shashka va boshqa sport turlari bo‘yicha o‘z imkoniyatlarini namoyon etdi. Barcha ishtirokchilar o‘zaro raqobatlashib, o‘zlarining o‘ziga xos imkoniyatlarini nishonlagan holda sportga bo‘lgan muhabbatlarini ko‘rsatishdi.

  Bu kabi tadbirlar imkoniyati cheklangan fuqarolarning jamiyatda munosib o‘rin egallashlari, ularning jismoniy faolligini ta’minlash va ularni ijtimoiy hayotga keng jalb etishda muhim o‘rin tutadi. Musobaqadagi har bir ishtirokchi qobiliyatlarini namoyon qildi. Tadbirda shu bilan birga nogironligi bo‘lgan shaxslarning inson huquqlarini himoya qilish va ularning ijtimoiy integratsiyasini ta’minlashga alohida e’tibor qaratildi.

  Gʻolib va faol ishtirokchilar tashkilotchilar tomonidan diplom va esdalik sovg‘alar bilan taqdirlandi. Ushbu musobaqa nafaqat ishtirokchilar uchun, balki barcha jamoa va ko‘makchilar uchun ham katta ahamiyatga ega bo‘ldi. Har bir muvaffaqiyatli ishtirokchi yoki g‘olib uchun eng muhim sovg‘a — bu ularning o‘ziga bo‘lgan ishonchini oshirish va kelgusidagi katta sport maqsadlariga erishishga zamin hozirlandi.