Prezidentimizning “O‘zbekiston – 2030” strategiyasini sifatli va o‘z vaqtida amalga oshirish chora-tadbirlari to‘g‘risida”gi PQ–300-sonli qarori ijrosini ta’minlash, inson qadrini ulug‘lash hamda har bir fuqaroning bugungi kundan rozi bo‘lib yashashiga erishish maqsadida Toshkent shahar hokimi o‘rinbosari – Oila va xotin-qizlar boshqarmasi boshlig‘i Sh.Sultanovaning navbatdagi sayyor qabuli “Uvaysiy” mahalla fuqarolar yig‘inda o‘tkazildi.

Qabulda Yunusobod tumani hokimining birinchi o‘rinbosari A. To‘laganov, tuman tibbiyot birlashmasi boshlig‘i Sh.Abdusattarova, tuman oila va xotin-qizlar bo‘limi boshlig‘i L.Aliyeva hamda boshqa mas’ul rahbarlar ishtirok etdi.

Sayyor qabul davomida fuqarolarning bandlik, salomatlikni tiklash, ta’lim shartnomasi, uy-joy, moddiy yordam va boshqa muhim masalalar bo‘yicha murojaatlari tinglandi.

Murojaatlar yuzasidan tegishli qonuniy tushuntirishlar berildi, muddat talab etadigan masalalarni ijobiy hal etish yuzasidan mas’ullarga tegishli topshiriq va ko‘rsatmalar berildi.